汽車雜誌
|
搵車快線 2016年12月15日
自願註冊計劃 多方共贏
[PDF 格式 (3,231KB)]
文字版本 [PDF 格式 (175KB)]
|
日報新聞
|
《東方日報》2016年5月23日
車輛維修服務提升 多方共贏
[PDF 格式 (2.64MB)] 文字版本 [PDF 格式 (167KB)] |
《星島日報》2016年5月24日
車輛維修工場自願註冊計劃推廣日
[PDF 格式 (1.19MB)] 文字版本 [PDF 格式 (170KB)] |
有線電視 2016年5月28日至2016年6月5日
(只提供粵語對白 / 旁白) |
影片一
(只提供粵語對白 / 旁白) 旁白:機電工程署舉辦嘅車輛維修工場自願註冊計劃推廣日,在日前舉行。為隆重其事,由運輸及房屋局常任秘書長黎以德先生,及機電工程署署長陳帆先生,主持啟動儀式。推廣大使張繼聰到場鼓勵更多工場參與,並向市民介紹計劃的專用標誌,以識別服務可靠嘅工場。認住註冊標誌,整車更有保障。 [MP4 格式 (5.75MB)] 文字劇本 [PDF 格式 (64KB)]
影片二
(只提供粵語對白 / 旁白) 主持李麗珊: 黃生你好呀!我知道你哋嘅車房參加咗車輛維修工場自願註冊計劃喎! 註冊車房東主 黃家倫先生: 係呀,冇錯呀!申請過程都好簡單! 主持李麗珊: 申請咗之後對生意有乜嘢幫助呢? 註冊車房東主 黃家倫先生: 對生意又係有幫助架!好似前排咁啦,有幾個新嘅客人都係因為見到我哋門口貼咗呢個註冊計劃嘅標誌,而入嚟幫襯我哋! 主持李麗珊: 會唔會鼓勵啲同業一齊去註冊呀? 註冊車房東主 黃家倫先生: 呢個一定會啦!因為我相信呢個註冊計劃可以幫助到我哋嘅業界提升服務質素。 [MP4 格式 (5.80MB)] 文字劇本 [PDF 格式 (66KB)]
|
影片三
(只提供粵語對白 / 旁白) 旁白:機電工程署舉辦嘅車輛維修工場自願註冊計劃推廣日,運輸及房屋局常任秘書長黎以德先生,及機電工程署署長陳帆先生,出席主持啟動儀式。推廣大使張繼聰到場支持。當日有不少業界及市民參與。推出車輛維修工場自願註冊計劃,目的係提升車輛維修業嘅服務水平,及方便市民識別服務可靠嘅車房。 [MP4 格式 (5.80MB)] 文字劇本 [PDF 格式 (60KB)]
影片四
(只提供粵語對白 / 旁白) (車輛維修技工登記、活動場地) 大會司儀急急子: 得到嚟自運輸及房屋局嘅常任秘書長(運輸)黎以德太平紳士,做我哋嘅主禮嘉賓!亦都好感謝各位車輛維修業嘅機構,派出咁多代表、咁多猛男同埋靚仔,出席我哋今日呢一個推廣儀式。今日呢個推廣日,好希望大家可以多多認識呢個車輛工場註冊計劃! 運輸及房屋局嘅常任秘書長(運輸) 黎以德太平紳士: 妥善維修及保養車輛,能夠有效減少意外嘅發生,提高道路安全,同埋減少空氣污染……成立咗汽車維修服務工作小組,探討點樣規管車輛維修業,同埋提高佢嘅服務水平。政府同埋業界,都認為應該係以一個按部就班嘅方式,推行自願註冊計劃。署方喺一三年進一步推出工場約章計劃,鼓勵車輛維修工場共同參與。為咗進一步提升車輛維修業嘅服務水平、專業形象,同埋競爭力,機電工程署喺舊年嘅七月推出咗車輛維修工場自願註冊計劃。新嘅計劃推出,到今日,已經有差唔多一千間工場獲批同註冊。 大會司儀急急子: 三!二!一!Start the engine! (現場觀眾拍手) 推廣大使張繼聰: 好開心今日喺度,同大家推廣呢個計劃。好榮幸能夠得到機電署邀請我成為呢個大使。我同大家一樣,都係有寶貝車啦!有啲人講架車係第二個老婆吖嘛……上機電署個網頁,就可以搵到我哋已經有千幾間車房註咗冊,一定可以搵到。好多好處,所以希望大家可以多多支持呢一個計劃嘞! 大會司儀急急子: 非常之好嘅推廣大使呀!大家畀啲掌聲張繼聰。 推廣大使張繼聰: Thank you。 推廣大使張繼聰: 黃生可以話係顛覆咗傳統呀!對呢個車房老闆嘅一個形象……你睇吓佢青年才俊咁樣啦! 大會司儀急急子: 好靚仔後生喎! 推廣大使張繼聰: 又好靚仔啦!韓星咁樣啦!咁呀黃生,你幾時知道我哋有呢一個註冊計劃呢? 註冊車房東主 黃家倫先生: 當時都有考慮過想申請嘅,但係比較忙啦,直至到嗰一年之後,成日畀一個人洗腦,就係你啦! 推廣大使張繼聰: 係? 註冊車房東主 黃家倫先生: 見到你個廣告,不停喺度講呢樣嘢…… 推廣大使張繼聰: 整車冇難度。 註冊車房東主 黃家倫先生: 係啦!加上喺兩個月前,機電署嘅大使就過咗嚟我哋嘅車房,又介紹咗呢個計劃畀我哋,咁我就決定申請呢個註冊。 推廣大使張繼聰: 多謝你嘅支持先啦!咁我諗好多車房嘅老闆,或者好多朋友,都會覺得,最怕係咩呀?最怕係麻煩。咁我想問,成個註冊過程會唔會好困難、好多手續呀? 註冊車房東主 黃家倫先生: 其實就冇乜困難嘅。其實最主要首先就係預約咗佢哋嘅大使過嚟我哋車房先,咁跟住佢哋都會講吓個申請流程,有啲咩嘢需要,同埋註冊需要。跟住佢又協助我哋填返啲form,同埋交返啲所需嘅文件,畀返佢哋大使,咁就OK架啦! 推廣大使張繼聰: 咁好方便喎!大家如果想加入呢個計劃,就唔使擔心啦!即係原來好容易就搞掂咗啦!好,唔該晒黃生。註冊咗之後呢,生意有冇好咗?呢個最緊要呀。 註冊車房東主 黃家倫先生: 其實以往不嬲都係做開啲熟客多,生客就有時比較少啲啦!但係喺近排啦,有幾個新客都係因為見到我哋貼咗呢個註冊車輛維修工場嘅註冊計劃嘅嗰張證書,咁入嚟幫襯我哋。 推廣大使張繼聰: 識貨吖嘛!咁就更加好啦,有舊客又有新客。好啦,我哋多謝黃生嘅支持。咁同時我哋都要同華姐傾傾啦!華姐又再一次顛覆大家對車輛維修技工嘅背後形象。會唔會有士巴拿跌出嚟架? 車輛維修技工華姐: (笑) 推廣大使張繼聰: 華姐係整車嘅技工嚟架喎!好犀利架喎!你從事咗幾耐呀呢行? 車輛維修技工華姐: 而家總共都有十三年啦。 推廣大使張繼聰: 咁耐呀,俾啲掌聲。真係犀利。可能在座啲朋友嘅寶貝車都係華姐整嘅。好嘞,點解你會自願加入我哋呢個計劃,成為註冊維修技工呢? 車輛維修技工華姐: 因為註冊咗對自己嘅經驗、資歷係一種嘅認可囉!真係得到一個好大嘅認同囉! 推廣大使張繼聰: 唔!咁就當然啦!以前冇一個註冊嘅認可,咁就差啲,但而家話晒係有張沙紙。即係有個認同。咁做咗註冊技工之後,有冇啲乜嘢好處呀?或者會唔會介紹朋友,可能你啲同行,都會呼籲吓佢哋去參加。 車輛維修技工華姐: 有架,我認識嗰啲技工、同事、舊同事,全部都註冊晒、申請晒啦! 推廣大使張繼聰: 即係全部都攞晒認可資格? 車輛維修技工華姐: 係。 推廣大使張繼聰: 如果你有朋友,你都會鼓勵佢哋參加? 車輛維修技工華姐: 會架! 推廣大使張繼聰: 唔,非常之好呀!我哋有冇嘢補充呀? 大會司儀急急子: 非常之好呀!你哋每個人都介紹得好好!兩位亦都係好似令大家有耳目一新嘅感覺,我哋車房嘅老闆可以好靚仔,韓星咁樣嘅,然後做技工亦都係靚女嚟嘅。 推廣大使張繼聰: 直情係靚女啦!犀利呀!俾啲掌聲兩位好冇呀?Thank you!今日我嘅任務當然係推廣啦!總括嚟講,兩句嘅說話,認住註冊標誌,整車更有保障。希望大家可以支持我哋呢個計劃,Thank you! 大會司儀急急子: 大家一齊認住呢個標誌啦!就係認住註冊標誌,整車更有保障。我哋一齊yeah好冇呀?畀個Like嘅手,Like嘅手指! 全場: Yeah! (活動花絮──替車輛維修技工登記、拍照攤位、黃先生及華姐合照。) [MP4 格式 (139MB)] 文字劇本 [PDF 格式 (164KB)]
影片五
(只提供粵語對白 / 旁白) 李麗珊主持:阿華你好呀! 點解會參加技工註冊計劃呢? 周鳳華小姐(註冊技工):註冊技工代表我整車資歷同經驗都會得到確認,我梗係一早參加啦! 李麗珊主持:咁車房註冊咗對你有冇幫助啊? 周鳳華小姐(註冊技工):好大嘅幫助。 車房同埋技工一齊註冊,可以提升車輛維修行業既服務質素啦! 顧客都會覺得喺註冊車房整車可靠啲囉! 李麗珊主持:咁會唔會叫啲老友一齊去申請註冊呢? 周鳳華小姐(註冊技工):有呀! 我識得嘅技工全部都註冊晒架啦! [MP4 格式 (5.84MB)] 文字劇本 [PDF 格式 (55KB)]
|
雷霆881商業一台 2016年5月25日至2016年5月28日
(只提供粵語對白 / 旁白) |
訪問宣傳大使張繼聰先生
[MP3 格式 (908KB)] 文字劇本 [PDF 格式 (62KB)] |
訪問註冊車輛維修工場東主黃先生
[MP3 格式 (903KB)] 文字劇本 [PDF 格式 (67KB)] |
訪問註冊車輛維修技工華姐
[MP3 格式 (969KB)] 文字劇本 [PDF 格式 (65KB)] |